Les grands
classiques

Poésie Française : 1 er site français de poésie

Les grands<br>classiques

Jacques PELLETIER DU MANS
1517 - 1582

A Très Illustre Princesse Madame Marguerite soeur du Roy

Ce que ma Muse en vers a peu chanter
Ce qu'en François des autheurs a traduit
Et ce qu'ell'a d'elle mesme produit,
Elle vous vient maintenant presenter,

Et s'elle peut vostre esprit contenter,
Ainsi qu'espoir et desir la conduit,
De son grand heur, de sa gloire et bon bruit
A tout jamais se pourra bien venter

Car ceux qui sont coustumiers de medire
Vostre grandeur n'oseront pas dedire :
Quant au futur, elle ne craint rien tel.

Pour ce qu'elle'est certaine et assuree
Que vostre nom demeurant immortel,
Le sien sera de pareille duree.